საქართველოს საკალათბურთო ნაკრებმა როგლაში შეკრება დაასრულა და უნგრეთში, კერძოდ ქალაქ კეჩკემეტში გაემგზავრა, სადაც 2 დღის განმავლობაში ორ ამხანაგურ შეხვედრას გამართავს.
დღეს და ხვალ საქართველო უნგრეთის ნაკრებს დაუპირისპირდება. ამ მატჩებისთვის ილიას ზუროსის განკარგულებაში 15 კალათბურთელია.
გიორგი ცინცაძე, ლუკა მაზიაშვილი, რატი ანდრონიკაშვილი, გივი ბაქრაძე, დუდა სანაძე, თად მაკფადენი, მერაბ ბოქოლიშვილი, კახა ჯინჭარაძე, ალექსანდრე ფევაძე, გიორგი კორსანტია, თორნიკე შენგელია, ბექა ბურჯანაძე, გიორგი შერმადინი, ილია ლონდარიძე, ბექა ბექაური.
გუნდს ვერ დაეხმარება მიხეილ ბერიშვილი, რომელმაც ფეხზე მცირე დაზიანება მიიღო. ასევე ვერ ითამაშებს გოგა ბითაძე, რომელსაც ტრავმა აქვს და ახლა ამერიკაში გადის სამედიცინო შემოწმებებს. უნგრეთში გუნდთან ერთად არ იქნება სანდრო მამუკელაშვილიც, რომელიც ოჯახური მიზეზების გამო სლოვენიიდან თბილისში დაბრუნდა და ნაკრებს 7 აგვისტოს, უნგრული შეკრების შემდეგ დაუბრუნდა.
დღეს მატჩი თბილისის დროით 20:00-ზე დაიწყება.
კომენტარები post