დღეს სეზონის პირველი ევროტურნირის ტიტული გათამაშდება. უეფას სუპერთასის გამარჯვებულის ვინაობას ერთმანეთში “რეალ მადრიდი” და ფრანქფურტის “აინტრახტი” გაარკვევენ.
შეხვედრას ფინეთის დედაქალაქი ჰელსინკის ოლიმპიური სტადიონი უმასპინძლებს თბილისის დროით 23:00 საათზე.
აღსანიშნავია მადრიდელთა საოცარი სტატისტიკა ფინალებში, “რეალ მადრიდმა” ბოლო 18 ფინალიდან 16-ში გამარჯვების მოპოვება მოახერხა.
“აინტრახტი” კი დღეს დიდი დანაკლისით იქნება. გუნდს ერთ-ერთი ლიდერი, ფილიპ კოსტიჩი ვერ დაეხმარება, რადგანაც სერბი ფეხბურთელი ძალიან მალე “იუვენტუსს” შეუერთდება.
კომენტარები post