დღეს საქართველოს საკალათბურთო ნაკრები მსოფლიო ჩემპიონატის შესარჩევ ტურში უკრაინის ნაკრებს დაუპირისპირდება. შეხვედრა რიგაში გაიმართება. მატჩამდე ისაუბრა უკრაინელთა ფორვარდმა ვიაჩესლავ ბობროვმა და ძირითადი ქცენტი თორნიკე შენგელიას განეიტრალებაზე გააკეთა.
“ერთ კვირაში სამი მატჩის ჩატარება ძნელი იქნება, მაგრამ ჩვენ 14 მოთამაშე გვყავს, რომლებიც ბოლომდე დაიხარჯებიან, რათა ყველა ბურთისთვის და მოხსნისთვის იბრძოლონ.”
“შენგელია ინდივიდუალურად ძალიან ძლიერი მოთამაშე და ევროპაში ერთ-ერთი საუკეთესო ფორვარდია. მის წინააღმდეგ ხისტად თამაშია საჭირო, ბურთის ყოველი ფლობისას უნდა აჩვენო, რომ ბოძივით შეგიძლია დაუდგე. ერთმანეთის წინააღმდეგ ხშირად გვითამაშია და თუ დაჟინებით ეღობები, ეს მოსწონს და ამით მომართული ხდება. ამაზე თამაში და ფოლზე პროვოცირება შეიძლება.”
“ის (შენგელია) უნდა შევაჩეროთ, პერიმეტრის გარედან მეტი ვასროლინოთ, მაგრამ არ უნდა მივცეთ საშუალება, ადვილი ქულები სწრაფი გარღვევებით მოვაპოვებინოთ – სწორედ ასე აგდებდა ბევრ ბურთს საქართველოში. შესაძლოა, ახალი ურთიერთმოქმედებით ვითამაშოთ და მის წინააღმდეგ მესამე ნომერი გამოვუშვათ, რაც დაცვაში მეტ დატვირთვას აიძულებს”.- განაცხადა უკრაინელმა კალათბურთელმა.
კომენტარები post