შოთა არველაძემ ინგლისის ჩემპიონშიფში ასპარეზობა დაიწყო. ქართველის “ჰალ სიტიმ” “ბრისტოლთან” ქამბექი შეძლო.
49 წლის ქართველი სპეციალისტის გუნდი პირველი ტაიმის მერე მარცხდებოდა ბრისტოლ სიტისთან. 72-ე წუთზე თურქმა ოზან ტუფანმა პენალტით გაათანაბრა, ხოლო 93-ე წუთზე ჟან მიშელ სერიმ გამარჯვების გოლი გაიტანა – 2:1.
“ამ სეზონში ბევრი ასეთი დღე გვექნება, თუმცა იქნება, როგორც გამარჯვებები, ისე ჩავარდნები. ძალიან კარგი იყო, რომ მრავალკვირიანი მზადების შემდეგ ჩემპიონატი გამარჯვებით დავიწყეთ. კარგია, რომ ორჯერ გავიტანეთ, უფრო კარგი, რომ სამი ქულა მოვიპოვეთ. სასწუალებს ვერ მოვახდენთ, თუმცა შევეცდებით, რომ ბიჭებმა მაქსიმუმი გაიღონ და მაქსიმალურ შედეგს მიაღწიონ.”
“შედეგზე დიდი გავლენა მოახდინა გულშემატკივარმა. ფანები იყვნენ სასწაულად აქტიურები, მათი ენერგია გუნდს გადაეცემოდა. მათმა მხარდაჭერამ ფეხბურთელებს ბოლო წამებამდე მისცა გამარჯვების იმედი. საოცარი ატმოსფერო იყო ტრიბუნებზე. შესაძლოა, გამარჯვების გოლისას გაგვიმართლა, მაგრამ სერიმ ბოლომდე იბრძოლა და ეს ძალიან მნიშვნელოვანია”, – განაცხადა შოთა არველაძემ.
კომენტარები post