80-იან წლებში მაიკ ტაისონი ყველას უგებდა, 1986-ში 20 წლის ასაკში ყველა დროის ყველაზე ახალგაზრდა მსოფლიოს ჩემპიონი გახდა მძიმე წონაში. მან მოკრივის კარიერით ასობით მილიონი დოლარი გამოიმუშავა, მაშინ ნაშოვნი თანხიდან კი დღეს აღარაფერი აქვს დარჩენილი.
ლეგენდარულმა მოკრივემ, მაიკ ტაისონმა პოდკასტ The Pivot-ში განაცხადა, რომ შემოსავლის უდიდესი ნაწილი ქალებისთვის დახარჯა. კონკრეტულად: თითქმის ნახევარი მილიარდი დოლარი.
“ჩემი ბოლო მილიონი დოლარი რეაბილიტაციისთვის გადავიხადე, რადგან იმ 500 მილიონიდან, რაც მოკრივის რანგში გამოვიმუშავე, აღარაფერი იყო დარჩენილი. ყველაფერი ქალებისთვის დაიხარჯა და ეს 15-16 წელი გრძელდებოდა”, – განაცხადა “რკინის მაიკმა”.
თავისი 8 შვილისთვის ტაისონს ბევრი ფული აღარ აქვს, მაგრამ როგორც ამბობს, შვილებისთვის მილიონების ჩუქებას არც გეგმავდა.
ტაისონი:”მე მათ საკუთარ გამოცდილებას ვუტოვებ. ვასწავლი, რომ მაგრად უნდა იმუშაონ და ბევრი უნდა ილოცონ. ფული მათ კი არ დაეხმარება, არამედ ავნებს, რადგან ფული მათ ვერაფერს ასწავლის.”
რამდენიმე დღის წინ მაიკ ტაისონმა ამერიკულ სტრიმინგ-კომპანია Hulu-ს უჩივლა და მისი ცხოვრების ისტორიის სერიალში უნებართვოდ გამოყენებაში ადანაშაულებს.
კომენტარები post