გიგა ჭიკაძის (14-3) მთავარმა მწვრთნელმა რაფაელ კორდეირუმ Sherdog-თან საუბრისას ქართველი მებრძოლის შესახებ ისაუბრა და მისი ოქტაგონზე დაბრუნების პერიოდი დაასახელა.
ბრაზილიელის განცხადებით, ‘ნინძას’ მომავალი მეტოქე, სავარაუდოდ, UFC-ის ქვესაშუალო წონის რეიტინგის მე-12 პოზიციაზე მყოფი სოდიქ იუსუფი (13-2) იქნება.
“უკანასკნელ 8 თვეში გიგამ 8 ოპერაცია გაიკეთა: ხელზე, სახეზე, იდაყვებსა და ცხვირზე. ახლა სრულად ჯანმრთელია და მზად გახლავთ კემპის დასაწყებად, რათა აპრილში სოდიქის წინააღმდეგ იჩხუბოს,” – განაცხადა კორდეირუმ.
ჭიკაძისა და იუსუფის ბრძოლა გასული წლის სექტემბერში უნდა შემდგარიყო, თუმცა ქართველის ტრავმის გამო დაპირისპირება არ შედგა. გიგა UFC-ის ქვემსუბუქი წონის რეიტინგში მე-8 ადგილს იკავებს.
კომენტარები post