საქართველოს ნაკრების ყოფილმა ფეხბურთელმა, დავით თარგამაძემ გადაცემა Sport შოუ-ს ეთერში, ანატოლი ტიმოშჩუკზე ისაუბრა:
‘ალბათ, მას საკმარისად არ უყვარს მისი ქვეყანა, ისე როგორც ყველა პატრიოტს უნდა უყვარდეს. არანაირ ფინანსურ მოგებას არ აქვს აზრი, როცა შენ კარგად ხარ, შენ ქვეყანას კი უჭირს. მითუმეტეს, იმ სახელმწიფოში მუშაობ, რომელიც შენს ქვეყანას ოკუპაციას უკეთებს – ეს ყველაზე საშინელი რამაა.
ბიჭებს ველაპარაკე, ყველა მაგას აგინებს. ამდენი ბავშვი იღუპება, ამდენი ადამიანი, შენ კი თბილად ზიხარ, ამ დროს უბრალოდ არ აქვს მნიშვნელობა რამდენ მილიონს იღებ…
ნებისმიერ ადამიანი, რომელიც ღამით იძინებს, ერთი-ორ წუთი მაინც ფიქრობს იმაზე, სად ვარ ახლა და ჩემს ქვეყანას რა სჭირსო’, – განაცხადა თარგამაძემ.
ცნობისთვის, თარგამაძეს კარიერის დიდი ნაწილი უკრაინაში შემდეგ გუნდებში აქვს გატარებული: შახტარი, ოლექსანდრია და მარიუპოლი.
კომენტარები post