დღეს საღამოს საქართველოს საკალათბურთო ნაკრებს ბულგარეთის წინააღმდეგ ძალიან მნიშნველოვანი თამაში ელის, ჯგუფიდან გასასვლელად გამარჯვება გვესაჭიროება.
მატჩამდე მედიასთან კომენტარი ბულგარეთის ნაკრების მთავარმა მწვრთნელმა, როსენ ბარჩოვსკიმ ისაუბრა:
“საქართველოს ნაკრებთან გამარჯვებას მხოლოდ იმ შემთხვევაში შევძლებთ, თუკი ოთხივე მეოთხედს სასურველ დონეზე ჩავატარებთ. მონტენეგროსთან სწორედ ეს პრობლემა იყო. მე-3 ათწუთეულის სტარტზე შეტევაში ყველაფერი მოიშალა, მეტოქემ 10:0 გაქცევა მოაწყო და ეს, გადაწყვეტი აღმოჩნდა. მართალი გითხრათ, რა დაემართა ბოსტს, ვერ გეტყვით. მასთან საუბარი მქონდა და მოტივაცია ნამდვილად არ აკლია, მაგრამ შედეგიანად ვერ თამაშობს. პასების მხრივ კარგად გამოიყურება, თუმცა, მისგან მეტს ველით.
ამ ეტაპზე ნაკრებში სხვა უცხოელი კალათბურთელის ჩამოყვანას არ განვიხილავთ. თავიდანვე ცხადი იყო, რომ ჩვენს ჯგუფში საკმაოდ ძლიერი გუნდები იყვნენ თავმოყრილნი. თითქოს, საწყისი 3 მატჩი ყველაზე ძლიერ ნაკრებებთან ჩავატარეთ, თუმცა, აღმოჩნდა, რომ სხვებიც კარგად გამოიყურებიან. მასპინძელ საქართველოსთან თამაში იოლი არ იქნება.”- განაცხადა ბარჩოვსკიმ.
კომენტარები post