“ტიერი ანრის ნუ შემადარებთ, მინდა ჩემი სახელი ისტორიაში დარჩეს” – გაბრიელ ჟესუსი არსენალში გადასვლის შემდეგ

ლონდონის “არსენალმა” “მანჩესტერ სიტიდან” გაბრიელ ჟესუსის ტრანსფერი ოფიციალურად რამდენიმე დღის წინ დაადასტურა.

25 წლის ფორვარდმა Spox-თან ინტერვიუში რამდენიმე საინტერესო საკითხზე ისაუბრა.

“როცა ამიხსნეს, რა გეგმები აქვთ მომავალში, მაშინვე მივიღე გადაწყვეტილება და არსენალში გადმოსვლა ძალიან მომინდა, – აღნიშნა ჟეზუშმა, რომელიც ლონდონურ კლუბში მანჩესტერ სიტიდან გადავიდა, – მიყვარს ეს პროექტი და ტიტულების მოგება მინდა. ჩემი მიზანია, ყველაფერი მოვიგო.”

“ახალი ტიერი ანრი ნამდვილად ვერ გავხდები, ის უდიდესი ლეგენდაა. ანრი ამ კლუბის ისტორიის ნაწილი და ყველა დროის ერთ-ერთი საუკეთესო ფეხბურთელია. მინდა, რომ ლონდონურ კლუბში ჩემი სახელი დარჩეს ისტორიაში. ტიერი ანრი განუმეორებელია, მას ნურავინ შემადარებს. მისნაირი არავინაა და ვერავინ იქნება”, – განაცხადა ბრაზილიელმა.

შეგახსენებთ, რომ ბრაზილიელმა სადებიუტო გოლი “არსენალში” გუშინ, ამხანაგურ შეხვედრაში უკვე გაიტანა.