“უფრთხილდით ქართველ ჯადოქარს” – ცნობილმა იტალიურმა გამოცემამ კვარაცხელია შეაქო

რამდენიმე დღეში სტარტს აიღებს იტალიის ჩემპიონატი და იტალიური მედიის ყურადღების ცენტრშია მოქცეული “ნაპოლის” ახალწვეული, ხვიჩა კვარაცხელია.

კვარას შესახებ სტატია ცნობილმა იტალიურმა გამოცემამ, Football Italia-მ გამოაქვეყნა:

“სამი ლეგენდის წასვლის შემდეგ, “ნაპოლი” გარდამავალ პერიოდში ახალ კამპანიას იწყებს. ჟურნალისტი და ბლოგერი სტივენ კასევიჩი მიიჩნევს, რომ ნეაპოლელებს მაინც შეუძლიათ სკუდეტოსთვის ბრძოლა.

იმედგაცრუების მერე ოპტიმიზმის მცირედი გრძნობა დაბრუნდა, როდესაც რიგი დამაინტრიგებელი ტრანსფერი განხორციელდა. მიუხედავად იმისა, რომ ნეაპოლელებს შეზღუდული ბიუჯეტი აქვთ, ქართველი ხვიჩა კვარაცხელია, ქართველი ჯადოქარი, რომელსაც უნდა უფრთხილდეთ, სამხრეთკორეელი კიმ მინ ჟაე, ნორვეგიელი ლეო ოსტიგორდი და ურუგვაელი მატიას ოლივეირა დაიმატეს.

მწვრთნელმა ლუჩანო სპალეტიმ გუნდის ძირითადი ბირთვი შეინარჩუნა. სერია A-ს წამყვან კლუბებთან კონკურენციისთვის ახალბედების სწრაფი ინტეგრაცია მნიშვნელოვანი იქნება. ჩემპიონობა ძალიან შორი პერსპექტივა, ჩემპიონთა ლიგაზე გასვლა კი უფრო რეალური ამოცანაა.

საკვანძო ფეხბურთელი ვიქტორ ოსიმენი უნდა გახდეს და ტრავმებს თავი აარიდოს, რათა გუნდი წამყვანი ფეხბურთელის გარეშე არ დარჩეს. როდესაც მან “ინტერთან” მატჩში (3:2) ყბის ძვლის მოტეხილობა მიიღო, 8 თამაში გამოტოვა და მისმა გუნდმა 3 მარცხი განიცადა.

სპალეტიმ უკვე თქვა, რომ ტოპ-კლუბებთან რთული ბრძოლები ელით. ეს მწვრთნელის ძალიან გასაგები განაცხადია, რომელიც ცდილობს დიდი მოლოდინი არ შექმნას.

გასულ სეზონში ოსომენი ხშირად რჩებოდა თავდასხმაში ეულად და სპალეტიმ საჭიროა ცენტრფორვარდისთვის შექმნას უფრო წინწაწეული შემტევი ტრიო, რათა ეს რგოლი მეტად ბალანსირებული გახდეს.”