უცხოურმა გამოცემამ გიგა ჭიკაძე ერთ-ერთ საუკეთესო კიკბოქსიორად დაასახელა

გამოცემა Sportskeeda-მ UFC-ის საუკეთესო კიკბოქსიორები დაასახელა და 10 საუკეთესოს შორის გიგა ჭიკაძე მე-9 ადგილზე დააყენა.

“ცბიერი თავდამსხმელი ‘ნინძა’ მარცხენა ჰაი ქიქით შეტევამდე, ძირითადად, ორთოდოქსულ (მარჯვენა) დგომას იყენებს. როცა მოწინააღმდეგე ნოკაუტის ძალის მქონე კიკბოქსიორისგან მარცხენა ხელით დარტყმის საფრთხეს იგრძნობს და მისი თავიდან არიდებით არის დაკავებული, ჭიკაძე საყრდენ ფეხს ცვლის და ოქრთოდოქსული დგომის ნაცვლად მარცხენა დგომში გადადის. ამ ნაბიჯის შემდეგ ქართველი ემზადება და ელოდება, რომ მეტოქე შეუტევს, რათა თავისი მარცხენა ჰაი ქიქი გამოიყენოს. როგორც კი მოწინააღმდეგე ნაბიჯს წინ გადადგამს, მას ჭიკაძის ფარული-მარცხენა დარტყმა სხეულში ხვდება. სწორედ ესაა ცნობილი ‘Giga Kick’. ამ დარტყმის საუკეთესო მაგალითი ქაბ სვანსონთან გამარჯვების მომტანი ქიქი იყო. ისიც უნდა აღვნიშნოთ, რომ ქართველი იდეალური არ არის და ძალიან ხშირად, წარუმატებლად დარტყმის შემდეგ უკან იხევს, რაც მისთვის სასარგებლო არაა”, – წერს გამოცემა.

გიგა ჭიკაძე UFC-ში მომავალ ჩხუბს სადიქ იუსუფის წინააღმდეგ გამართავს. დაპირისპირება UFC Apex არენაზე 19 სექტემბერს ჩატარდება.