საქართველოს ჩემპიონი “დინამო ბათუმი” ჩემპიონთა ლიგის საკვალიფიკაციო ეტაპიდან გამოვარდა. ბათუმელები ძალიან დაძაბულ შეხვედრაში “სლოვან ბრატისლავას” წინააღმდეგ ოვერტაიმში დამარცხდნენ.
პირველი ოვერტაიმის შემდეგ ბათუმი 1:0-ს იგებდა ზურიკო დავითაშვილის გოლით, მაგრამ მეორე ოვერტაიმში 2 გოლი მივიღეთ, ჯერ სლოვაკთა სომეხმა ფეხბურთელმა გაგვიტანა, მეორე გოლი კი კუთხურიდან, ჩახვეული დარტყმით მივიღეთ.
მატჩის შემდეგ გამართულ პრესკონფერენციაზე მედიის კითხვებს ვლადიმერ ვაისმა უპასუხა:
“საღამო მშვიდობის, ეს იყო ძალიან ემოციური თამაში. ცხოვრებაში ზოგჯერ ყველაფერი ფეხბურთი არ არის, უნდა ვთქვა, რომ დინამო უკეთესი გუნდი იყო, მაგრამ ჩვენ ბოლო წამამდე ვიბრძოლეთ და გაგვიმართლა კიდევაც.
მათ 40-ით მეტი დღე ჰქონდათ მოსამზადებლად და უფრო კარგად ითამაშეს, ბურთითაც და უბურთოდაც. ჩვენ ბევრი საგოლე შანსები არ გვქონია, მაგრამ ბოლო წუთებში მიღებული შანსები გამოვიყენეთ.
ზურიკო ფანტასტიკური ბიჭია, მას ძალიან კარგი მომავალი ელის, ისევე როგორც ხვიჩა კვარაცხელიას.
ბათუმელთაგან ყველამ კარგად ითამაშა, მაგრამ ჩემი გუნდის გამო ბედნიერი ვარ, რადგანაც ბოლომდე ვიბრძოლეთ. ეს არ იყო მარტივი თამაში, მაგრამ ჩემთვის ძალიან ემოციური თამაში იყო, რადგანაც თქვენს წინააღმდეგ ვითამაშე, საქართველოს წინააღმდეგ.
რა თქმა უნდა მე ბედნიერი ვარ, რადგანაც სლოვან ბრატისლავას მწვრთნელი ვარ, ჩემი მშობლიური ქალაქის გუნდის, ჩემი ახლობლების გარემოცვაში, მაგრამ აქ მუშაობა მარტივი არ არის. ვგრძნობ, რომ ახალი ერა დავიწყეთ, თუ იბრძოლებ იღბალიც მოვა. ჩვენ იღბლიანი გუნდი ვიყავით, ბათუმელებმა შესანიშნავად ითამაშეს. ჩვენ ნაბიჯ-ნაბიჯ ვუმატებთ და სლოვაკეთის ჩემპიონატიც იწყება.
ჩვენ 100%-ით მზად არ ვართ მომდევნო თამაშისთვის, ჩვენ აუცილებლად უნდა ვიშრომოთ. ვიმედოვნებ, რომ მენტალურად კარგად ვიქნებით მზად, პირველი თამაში გასვლაზე გველის და თავდაჯერებულად უნდა ვითამაშოთ.
ეს მატჩი ჩემთვის ძალიან ჰგავდა ჩრდილოეთ მაკედონიასთან თამაშს, მაგრამ ამჯერად ძალიან გამიმართლა. აქ 5 წელი ვმუშაობდი და სამწუხაროდ არც თუ ისე ბედნიერი დასასრული გვქონდა.
არ ვიცი რა მოხდება, შეიძლება ჩვენ ისევ შევხვდეთ. მადლობას გიხდით ყველას და წარმატებას გისურვებთ ყველას, ძალიან მიყვარხართ.“- განაცხადა ვაისმა.
კომენტარები post