საქართველოს ჩემპიონმა “დინამო ბათუმმა” ჩემპიონთა ლიგის საკვალიფიკაციო ეტაპის პირველი მატჩის სტუმრად “სლოვან ბრატისლავას” წინააღმდეგ არ დათმო.
აღსანიშნავია, რომ ბათუმელებს პირველი ტაიმის მიწურულს კაპიტანი, მამუკა კობახიძე გაუძევეს, მაგრამ მეტოქემ გოლის გატანა მაინც ვერ შეძლო.
მატჩის შემდეგ საქართველოს ნაკრების ყოფილმა და “სლოვანის” ახლანდელმა მთავარმა მწვრთნელმა ვლადიმირ ვაისმა პრესკონფერენცია გამართა.
“შედეგი იმედგაცრუების საფუძველს გვაძლევს, მაგრამ კარიერაში მქონია სათასო დაპირისპირებები, რომელთა პირველი მატჩები 0:0 დასრულდა, მაგრამ ბოლოს შემდეგ ეტაპზე მაინც ჩვენ გავედით.
ვიცოდით, რომ დინამოს სწრაფი ფეხბურთელები ჰყავს, რომლებიც ტაქტიკურად კარგად არიან მომზადებულები და მაღალი დონის ტექნიკა აქვთ. ასეთი მეტოქის დამარცხების შანსები ჩვენ დღეს არ გვქონდა. თანამედროვე ფეხბურთში გადამწყვეტი მნიშვნელობა ფიზიკურ მომზადებასა და მდგომარეობას აქვს, ამ მხრივ ისინი ჩვენზე უკეთესები იყვნენ.
გვინდა, რომ მომდევნო ეტაპზე გავიდეთ, მაგრამ მათ ფიზიკურ კონდიციებს ამ ერთ კვირაში უნდა მივუახლოვდეთ. გარდა ამისა, როდესაც ისეთ მომენტებს ვერ იყენებ, როგორიც მედვედევს ან კუცკას ჰქონდათ, გამარჯვება რთულია. მათი ფეხბურთელის გაძევების შემდეგ ფლანგების გამოყენება ვერ შევძელით. ცვლილებების შემდეგ ჟმრალი უფრო ფლანგზე გადავწიეთ, რომ თამაში მაქსიმალურად გაგვეშალა, მაგრამ არ გამოგვივიდა. მეტოქე თავს კარგად იცავდა, ჩვენი საბოლოო პასები კი ხარისხიანი არ იყო. დინამო ბათუმისთვის სეზონი დიდი ხანია მიმდინარეობს, ჩვენ კი მოსამზადებლად ცოტა დრო გვქონდა. თუმცა, ეს არ უნდა იყოს საბაბი. მჯერა, რომ მომდევნო მატჩამდე დარჩენილი დრო დაგვეხმარება და გამოვიყენებთ. გოლი რომ გაგვეტანა, გავცოცხლდებოდით და მეტოქე გატყდებოდა.”– განაცხადა ვაისმა.
კომენტარები post