“ვალენსიამ მეკარეების პრობლემა ისევ ვერ მოაგვარა, თუმცა მამარდაშვილი გატუზოსთვის პირველი ნომერია” – ესპანური მედია

ესპანური გამოცემის, Superdeporte-ის ინფორმაციით, გიორგი მამარდაშვილი “ვალენსიას” ახალი თავკაცისთვის, ჯენარო გატუზოსთვის0, პირველი ნომერი იქნება.

ვებგვერდი წერს რომ, ვალენსიაში მეკარეების პრობლემა ისევ არსებობს, იმ თვალსაზრისით, რომ კლუბს ბევრი მეკარე ჰყავს (4), მაგრამ ქართველი კვლავინდებურად ძირითადი შემადგენლობის წევრად მოიაზრება.

“როგორც ჩანს, ვალენსიამ ვერ მიაღწია პროგრესს მეკარეების “პრობლემასთან” დაკავშირებით, რომელიც გასულ ზაფხულსაც ჰქონდა. დღესაც გუნდში ისევ 4 მეკარეა: იასპერ სილესენი, ხაუმე დომენეკი, გიორგი მამარდაშვილი და კრისტიან რივერო, რომელიც იჯარიდან დაბრუნდა. პრესეზონმა უკვე ცხადყო, რომ მამარდაშვილი ჯენარო გატუზოს პერიოდშიც ძირითადი მეკარე იქნება, როგორც გასული სეზონის მეორე წრეში ბორდალასის დროს იყო, სილესენის მომავალი კი გაურკვეველია. მისი წასვლა, რასაც კლუბი ზაფხულის დასაწყისიდან გეგმავდა, ვალენსიას ხელფასის დიდ ნაწილს გაუთავისუფლებდა, რადგან ის ერთ-ერთი ყველაზე მაღალანაზღაურებადია. ხაუმეს, როგორც ჩანს, წელსაც არ სურს კლუბის დატოვება, ხოლო რივეროს მომავალი შეიძლება იმით იყოს განპირობებული, რაც ნიდერლანდელთან დაკავშირებით მოხდება”, – წერს გამოცემა.