დღეს, გამთენიისას ტვიტერში გავრცელებული ვიდეოს მიხედვით, UFC-ის ქვემსუბუქი წონის რეიტინგის მე-9 პოზიციაზე მყოფი ილია თოფურია (13-0) ბარში უცნობ მამაკაცს ფიზიკურად დაუპირისპირდა.
კადრებში ჩანს, რომ ილია ელექტრო ფორტეპიანოსთან დგას, მის გვერდით მეგობარი, ესპანელი ჰიპ-ჰოპ შემსრულებელი ომარ მონტესია. უცნობი მამაკაცი თოფურიასთან მიდის და ხელს ორჯერ ჰკრავს, რასაც ქართველის პასუხიც მოჰყვება. ჩხუბში ილიას თანმხლები პირებიც ერთვებიან, მათ შორის მონტესიც.
კონფლიქტის შესახებ მხოლოდ ის არის ცნობილი, რომ ინციდენტი ესპანეთის ქალაქ ალიკანტეში მოხდა, სადაც თოფურია ცხოვრობს. მომხდარი ამბის შესახებ ილიას კომენტარი ჯერ არ გაუკეთებია.
‘მატადორმა’ UFC-ში ბოლო ბრძოლა 10 დეკემბერს ჩაატარა და ბრაის მიტჩელი (15-1) დანებებით დაამარცხა. ილიას ყველაზე პრესტიჟულ MMA ორგანიზაციაში 5 მატჩი აქვს გამართული და ხუთივე მოიგო. აღსანიშნავია, რომ ქართველმა ბოლო 4 ბრძოლაში მეტოქის დაფინიშებით გაიმარჯვა.
🚨| Footage showing Ilia Topuria getting into a physical altercation with Spanish singer Omar Montes in a bar in Spain.#UFC #MMA
— The MMA Media (@The_MMA_Media) January 4, 2023
კომენტარები post