“ინდიანა პეისერსის” ცენტრი გოგა ბითაძე თბილისში გუშინწინ ჩამოვიდა, საქართველოს ნაკრებთან ერთად ივარჯიშა და კალათბურთის ფედერაციის “ფეისბუქის” გვერდთან კომენტარი გააკეთა:
“უკრაინასთან მატჩის წინ ტრავმა მივიღე, სამკურნალოდ ამერიკაში წავედი, გავიარე სამედიცინო შემოწმება, ნახეს როგორ მდგომარეობაში მაქვს მუხლი. სამი კვირის განმავლობაში როგორც შემეძლო მივხედე, ეს დრო მაქსიმალურად გამოვიყენე.
ვფიქრობ, დღევანდელი თამაშისთვის მზად უნდა ვიყო. გუნდთან ერთად მომზადებას გავივლი, 5X5-ზე თამაშისას შევხედავ, როგორ მაქვს მუხლი და ამის შემდეგ მივიღებთ გადაწყვეტილებას. იმედი ყველას გვაქვს”.
შეგახსენებთ, საქართველოს ნაკრები დღეს, 24 აგვისტოს, მსოფლიოს ჩემპიონატის შესარჩევ ეტაპზე თბილისში ნიდერლანდებს დაუპირისპირდება.
კომენტარები post