ბარსელონას პრეზიდენტმა ჟოან ლაპორტამ ლიონელ მესიზე კიდევ ერთხელ ისაუბრა და მისი დაბრუნება ისევ არ გამორიცხა. “ბლაუგრანას” ხელმძღვანელის თქმით, კლუბს მესის წინაშე ვალი აქვს, დანარჩენს კი დრო გამოაჩენს.
“არ ვაპირებ ბევრი კომენტარის გაკეთებას, რადგან ის პსჟ-ს ფეხბურთელია. ამერიკული ტურნეს დროს მკითხეს მასზე უფრო მშვიდ ატმოსფეროში. არ მსურს ამაზე საუბარი, ის სხვა კლუბის მოთამაშეა, მაგრამ ვფიქრობ, რომ მის წინაშე მორალური ვალი გვაქვს. ეს უკვე ვთქვი და ვნახოთ, რა მოხდება”, – ლაპორტა.
ამ ეტაპზე ვარაუდობენ, რომ მესი ბარსელონაში მომდევნო ზაფხულს უფასოდ დაბრუნდება, როდესაც პარი სენ-ჟერმენთან კონტრაქტი ამოეწურება.
კომენტარები post